Madaxweyne Cyril Ramaphosa ayaa amray in calanka qaranka Koonfur Afrika hoos loo dhigo muddo toddoba maalmood ah, si loo xuso geesiyaasha ka tirsan ciidanka difaaca ee ku dhintay bariga Jamhuuriyadda Dimuqraadiga ee Kongo (DRC).

Madaxweynaha ayaa bayaan uu ku daabacay barta X (horey loo oran jiray Twitter) ku sheegay in go’aankan lagu maamuusayo 14 askari oo Koonfur Afrikaan ah oo ku naf waayay howlgal nabad ilaalin ah oo ay ka wadeen bariga DRC.

"Madaxweyne CyrilRamaphosa wuxuu amray in Calanka Qaranka hoos loo dhigo dhammaan xarumaha calanka laga taago ee dalka laga bilaabo maanta, Jimcaha 7-da Febraayo 2025, muddo toddobaad ah," ayaa lagu yiri war ka soo baxay madaxtooyada Jimcihii.

Madaxweyne Ramaphosa wuxuu sidoo kale si weyn uga tacsiyeeyay geerida askartan xilli uu khudbaddiisii ugu horreysay ee State of the Nation Address ka jeedinayay magaalada Cape Town habeenkii Khamiista, taasoo ahayd mid ka dhacday xilligii Xukuumadda Midnimada Qaranka.

XIGASHO: TRT AFRIKA