Mas'uuliyiinta ciidanka Soomaaliya ayaa sheegay in howlgalka Isniintii uu ka dhacay gobolka waqooyi ee Puntland, wuxuuna diiradda saarayay buuro ku yaal gobolka Bari, gaar ahaan buuraha Cal Miskat.

Dagaalyahannada la laayey oo ka tirsan ururka ISIS, oo ah koox xoogaa ka tira yar kooxda Al-Shabaab ee xiriirka la leh Al-Qaacida, balse khubaradu waxay ka digayaan sii kordhinta hawlgalladooda.

Sannadkii hore, sarkaal ka tirsan Qaramada Midoobay oo ka shaqeeya ka hortagga argagixisada ayaa ka digay weerarrada sii kordhaya ee ay wadaan dagaalyahannada Islaamiyiinta ee dalalka Mozambique, Jamhuuriyadda Dimuqraadiga ee Kongo iyo Soomaaliya.

Mas'uuliyiinta ciidanka Soomaaliya ayaa sheegay in howlgalka Isniintii uu diiradda saaray buuraha Cal Miskat ee gobolka Bari.

Diyaarado laga soo riday

"Ciidamada amniga ayaa qabsaday siddeed xero oo ay ku jirto xero weyn oo ku taalla buuraha Cal Miskat; dagaalyahanno badan oo ay ku jiraan dagaalyahanno ajnabi ah ayaa la dilay intii uu socday howlgalka," ayaaciidamada Puntland bayaan ay soo saareen ku sheegeen.

"Ciidamadu waxay soo rideen sagaal diyaarad oo kuwa aan cidi wadin ah, oo lagu rakiby waxyaabo qarxa, kuwaas oo lagu talagalay inay weerar ku qaadaan ciidanka amniga inta hawl galka a socday," ayaa bayaanka ciidamada lagu yiri.

"Ciidamada amniga waxay ku socdaan goobaha qarsoodiga ah ee argagixisada si ay uga saaraan."

Sida uu sheegay Axmed Rage, oo ka mid ah saraakiisha ciidanka ee deegaanka, dagaal culus ayaa ka socday maalmihii la soo dhaafay iyadoo milishiyaadka ISIS ay ku dhuumanayeen godod ka qodan buuraha hoostooda ," laakiin wuxuu intaa ku daray in ciidamadu ay "horumar ka sameynayaan oo sii socdaan si ay u gaaraan ubucda cadowga.