Луксордун губернатору Абдулмутталиб Амара, Жогорку байыркы эстеликтер кеңешинин башкы катчысы Мухаммед Исмаил жана египеттик археолог Др. Захи Хавасстын катышуусунда өткөрүлгөн маалымат жыйынында бул маанилүү табылгалардын аймакта 2022-жылдын сентябрынан бери казуу иштерин жүргүзүп жаткан «Захи Хавас Археология жана Мурас Фонду» менен Байыркы Эстеликтер Жогорку Кеңешине караштуу биргелешкен археологиялык топтун үч жылдык эмгегинин натыйжасында бул маанилүү ачылуулардын болгондугун белгиледи.

Др. Хавасс  табылгалардын арасында ханыша Хатшепсуттун жаназа храмынын негизги кире бериши катары кабыл алынган «Өрөөн храмынын» пайдубал калдыктары менен Хатшепсут дооруна таандык сейрек кездешүүчү жана уникалдуу чеканкалардын бар экенин белгиледи. Бул чеканкалардын Египет музейлеринде бдан аз үлгүсү болгон,  скульптура искусствосунун эң сонун үлгүлөрү экендиги баса белгиленди.

Өзгөчө табылган чеканкалардын  Рамсес доорунда жана 19- династия мезгилинде  (б. з. ч. 1292-1186) талкаланган Өрөөн храмынын урандыларынын эң жакшы сакталган бөлүктөрү экендиги белгиленди.

Бул табылгалар байыркы Египет цивилизациясынын тарыхына маанилүү салым кошуп, Луксор аймагынын дүйнөнүн бардык булуң-бурчунан келген изилдөөчүлөрдүн жана зыяратчылардын көңүлүн бурган уникалдуу экспонаттарга толгондугун дагы бир жолу далилдеп жатат.