صدر اور اے کے پارٹی کے چیئرمین اردوان نے اپنی پارٹی کے پارلیمانی گروپ سے خطاب کرتے ہوئے کہا:

جیسا کہ آپ سب جانتے ہیں، دنیا ایک بڑی اور بنیادی تبدیلی کے دہانے پر ہے اور اس کے اثرات محسوس کیے جا رہے ہیں۔ اسی طرح ہمارا خطہ، شمال اور جنوب دونوں طرف، جنگوں، تنازعات، قتل عام اور ظلم و ستم کی لپیٹ میں ہے۔ ایسے ماحول میں، جمہوری اتحاد کے طور پر، ہم ایک تاریخی ذمہ داری کا سامنا کر رہے ہیں۔ ہم ترکیہ کی سیاسی اور اقتصادی استحکام کو برقرار رکھنے، سماجی امن کو مضبوط کرنے اور اپنے اہداف کی جانب پیش قدمی کے لیے جدوجہد کر رہے ہیں۔

ہم ایسی سیاست کے ذریعے خدمات کر رہے ہیں جو معاشرے کو قریب لاتی ہے۔

درحقیقت، ہمارے سامنے موجود یہ منظرنامہ صرف اے کے پارٹی یا جمہوری اتحاد تک محدود نہیں ہے۔ سیاست کے کسی بھی شعبے سے تعلق رکھنے والے ہر فرد کو، جو اس ملک اور قوم کے لیے ذمہ داری محسوس کرتا ہے، اس جدوجہد میں تعاون کرنا چاہیے، کم از کم تخریبی مخالفت سے گریز کرنا چاہیے۔ جب بات وطن، قوم اور ریاست کی ہو تو باقی سب کچھ ثانوی حیثیت رکھتا ہے۔ دنیا کے کئی حصوں میں قومی معاملات پر حکومت اور اپوزیشن کے درمیان کوئی فرق کیے بغیر مشترکہ موقف اختیار کیا جاتا ہے۔ ہم نے اپنی نصف صدی پر محیط سیاسی زندگی میں ہمیشہ اس اصول کی حمایت کی ہے۔ ہم نے ایسی سیاست کے ذریعے ملک کی خدمت کی ہے جو تقسیم کرنے کے بجائے جوڑنے والی ہو، اختلاف کے بجائے اتحاد پیدا کرنے والی ہو، اور معاشرے کے تمام طبقات کو مشترکہ اقدار کے گرد اکٹھا کرنے کی کوشش کرے۔

اگرچہ ہمیں اکثر اپنے مخاطبین سے مطلوبہ جواب نہیں ملا، لیکن ہم نے بھائی چارے کی سیاست اور خدمات کی پالیسی سے کبھی پیچھے نہیں ہٹے۔ 14 اگست 2001 سے، ہم یونس ایمرے کے الفاظ دہراتے ہیں: 'میں یہاں جھگڑے کے لیے نہیں آیا، میرا کام محبت کے لیے ہے۔ دوست کا گھر دل ہے، میں دلوں کو جوڑنے آیا ہوں۔' ہم نہ صرف اپنے وطن کی سرزمین پر بلکہ اپنے خطے سے شروع کرتے ہوئے پوری دنیا میں امن، سکون، انصاف اور تعاون کے جذبے کو فروغ دینے کے لیے دن رات محنت کر رہے ہیں۔ ترکیہ عالمی سیاست میں ایک اہم کردار ادا کرنے کی اپنی حیثیت کو دن بدن مضبوط کر رہا ہے۔ ہم روس-یوکرین جنگ اور غزہ میں جاری نسل کشی سمیت اپنے خطے کے تمام بحرانوں کے حل کے لیے بھرپور کوشش کر رہے ہیں۔ ہمیں اسرائیل اور لبنان کے درمیان آج صبح نافذ ہونے والے جنگ بندی معاہدے پر خوشی ہے۔ ہم توقع کرتے ہیں کہ تمام فریق، خاص طور پر اسرائیل، میدان میں سکون کو برقرار رکھنے کے لیے اپنی ذمہ داریوں کو مکمل طور پر نبھائیں گے۔ ہم غزہ میں قتل عام کو روکنے اور مستقل جنگ بندی کے قیام کے لیے ترکی کی جانب سے ہر ممکن تعاون فراہم کرنے کے لیے تیار ہیں۔

ہمارا مقصد قوم کی خدمت اور ہمارا ہدف عظیم ترکیہ ہے۔

انہوں نے کہا کہ ہم ان تمام سفارتی اقدامات کو اپنی سیاسی شناخت کے ساتھ نہیں بلکہ سب سے پہلے اس ملک اور قوم کے ایک فرد کے طور پر انجام دے رہے ہیں۔ ہم ہمیشہ اس عظیم قوم کی خدمت کرنے پر فخر محسوس کرتے ہیں۔ ہم مظلوموں اور کمزور انسانوں کی آواز  ہیں۔ ہم جمہوریہ ترکیہ کو ہر شعبے میں ترقی دینے، ایک مضبوط، خوشحال، معتبر اور کامیاب ملک بنانے کے لیے کوشاں ہیں۔

 ہم ترکی صدی کی تعمیر کے جائز فخر اور جوش میں ہیں۔ ہم نے عندیہ دیا ہے۔ ہم غیر متزلزل یقین کے ساتھ اپنے ہدف پر مرکوز ہیں۔ اللہ کی مدد اور قوم کی حمایت سے، ہم ترکیہ صدی کے ہدف کو ضرور حاصل کریں گے۔