مغربی ممالک کی جانب سے یریوان کو ہتھیاروں کی فراہمی کی کوششوں سے قفقاز میں امن کی امیدیں تیزی سے ختم ہو رہی ہیں۔ آذربائیجان کیسا  ردعمل ظاہر کرے گا یہ ایک بڑا سوالیہ نشان ہے۔

نئی امریکی انتظامیہ اور عالمی ایجنڈا مشرق وسطیٰ اور یوکرین کی جنگوں جیسے بحرانوں میں مصروف ہے تو  دوسرے خطوں خصوصاً جنوبی قفقاز کے چیلنجز کو نظر انداز کیے جانے کا مشاہدہ ہو رہا ہے۔

اکتوبر کے پہلے ہفتے میں، آذربائیجان کے صدر الہام علی یف نے آرمینیا اور مغربی ممالک کو ایک تاریخی موڑ پر یریوان کو مسلح کرنے کی کوششوں کے بارے میں سخت انتباہ جاری کیا ہے۔

علی یف  نے 2020 میں مکمل طور پر تباہ کردہ  اور آزاد کرائے گئے  شہر جبریل میں قائم کردہ نئے شہر   کے پرانے باسیوں سے خطاب کیا ۔

تقریب کے دوران صدر علی یف نے مغربی ممالک کے آرمینیا کو ہتھیار بھیجنے کے مقصد پر سوال اٹھاتے ہوئے کہا کہ کیا آذربائیجان خاموش رہے گا یا ان ہتھیاروں سے نئی تعمیر شدہ عمارتوں کے تباہ ہونے کا انتظار کرے گا۔

انہوں نے اس بات پر بھی زور دیا کہ آذربائیجان اپنے ملک کی مستقبل کی سلامتی اور ترقی کو یقینی بنانے کے لیے تمام ضروری اقدامات کرے گا۔ انہوں نے  مزید کہا، "ایک طرف، وہ امن کی بات کرتے ہیں اور جھوٹ بولتے ہیں، اور دوسری طرف، وہ بڑے پیمانے پر اسلحہ سازی میں مصروف ہیں۔"

ماہِستمبر میں، صدر کے ایک مشیر نے تجویز پیش کی کہ آرمینیا کی مسلح افواج پر متناسب پابندیاں عائد کی جائیں، جیسا کہ عراق-کویت جنگ کے بعد عراق پر عائد کی گئی تھیں۔

انہوں نے اس اقدام کا جواز ہونے کی دلیل  دی کیونکہ آرمینیا دوسری جنگ عظیم کے بعد کے بین الاقوامی نظام میں، ان چند ممالک میں سے ایک تھا جنہوں نے طاقت کےبل بوتے ہمسایہ ممالک  کے علاقوں پر قبضہ کرنے کی کوشش کی تھی۔

یہ اور اس سے ملتے جلتے آذربائیجان کے حکام کے بیانات ، آذربائیجان اور آرمینیا کے حالیہ ایام میں امن کے لیے پیش کردہ بیانات رجائیت پسندی  سے متضاد ہیں اور  اس پیش رفت سے متاثر ہو رہے  ہیں ۔لیکن یہ پیغامات زیادہ سنجیدہ اور مخلصانہ توجہ کے مستحق ہیں۔

پرامن حل کی کمزور امیدوں کو مذاکرات کی سست رفتار اور آرمینیا کی مسلسل عسکریت پسندی سے خطرہ لاحق ہے۔ اگرچہ آذربائیجانی میڈیا اکثر آرمینیا کو ہتھیاروں کی ترسیل کی خبر دیتا ہے، بہت سے آذربائیجانی ماہرین کا خیال ہے کہ آرمینیا جان بوجھ کر مذاکرات میں رکاوٹ ڈال رہا ہے تاکہ ہتھیاروں کی تیاری اور ممکنہ تجدید پسندی کے لیے وقت حاصل کیا جا سکے۔

اس کے علاوہ اور بھی تضادات ہیں۔ جہاں آرمینیا کا دعویٰ ہے کہ آذربائیجان کا فوجی بجٹ اس کی جی ڈی پی کے 14-15% تک پہنچ گیا ہے، وہیں خود یریوان اپنے فوجی اخراجات میں گزشتہ سال کے مقابلے میں 46% اضافہ کر کے ہتھیاروں کی کوششوں کو مزید مستحکم کر رہا ہے۔

عالمی منظر نامے کی پیچیدگیوں کے باوجود، آرمینیا، ایک دوسرے سے متصادم دوسرے خطوں کے ذرائع سے ہتھیار حاصل کرنے میں کامیاب رہا ہے۔

فرانس سے سیزر ہووٹزر اور امریکہ سے فوجی امداد سمیت ہتھیار حاصل کرنے کے علاوہ، ایران انٹرنیشنل نے جولائی میں تہران اور یریوان  کے درمیان  500 ملین ڈالر کے ہتھیاروں کے ایک اہم معاہدے پر دستخط ہونے کی اطلاع دی ہے۔

مزید برآں، CSTO کے رکن کے طور پر، آرمینیا نے روس سے جارحانہ فوجی سازوسامان حاصل کرنا جاری رکھا ہے۔

مزید برآں: سفارتی پانیوں کو رخ دینا: آذربائیجان کا عروج اور آرمینیا کی تنہائی

کیا پہلے آذربائیجان کوئی اقدام اٹھائے گا؟

آرمینیا نے اشتعال انگیز ہتھیاروں کے حصول  میں اضافہ کیا ہے تو آذربائیجان تدبیری حملے  کی کوشش کر سکتا ہے۔

او ایس سی ای کے سابق امریکی شریک چیئرمین جیمز وارلک تک نے کہا ہے کہ آرمینیا کا  فرانس سے اسلحہ خریدنا جب وہ امن معاہدے کے قریب تھے، آرمینیا اور آذربائیجان کے تعلقات کو پیچیدہ بنا رہا ہے۔

ان کے خیال میں فرانس کو امن معاہدے کے بعد ہی آرمینیا کے ساتھ ہتھیاروں کے کسی بھی معاہدے کو حتمی شکل دینا چاہیے تھی۔

اگرچہ عراق اور افغانستان کے حملوں سے قبل بش انتظامیہ کی جانب سے امریکی قومی سلامتی کی پالیسی میں متعارف کرائے جانے پر "قبل از وقت جنگ" کا تصور کچھ حد تک مسخ ہوا تھا، لیکن یہ "احتیاطی جنگ" سے الگ ہے۔

یہاں پر بنیادی فرق  اس کا کس وقت وقوع پذیر ہونا ہے: قبل از وقت جنگ آسنن خطرات کو حل کرتی ہے، جب کہ حفاظتی جنگ طویل مدتی، ممکنہ خطرات کو نشانہ بناتی ہے۔ یہ فرق بہت اہم ہے، کیونکہ بہت سےحلقے اب بھی دونوں   کے درمیان تفریق کرنے سے عاری ہیں۔

پیشگی تدابیری  جنگ کو عام طور پر 'ضرورت کی جنگ' کے طور پر دیکھا جاتا ہے جس کی بنیاد فوری خطرے کے معتبر ثبوت پر مبنی ہے اور اسے بین الاقوامی قانون، خاص طور پر اقوام متحدہ کے چارٹر کے آرٹیکل 51 کے تحت کے تحت جائز قرار دیا جاتا ہے۔

اس کے برعکس، روک تھام کی جنگ کو 'انتخاب کی جنگ' کے طور پر دیکھا جاتا ہے، جو قانونی نظیر کے بجائے اسٹریٹجک حسابات سے چلتی ہے، اور اسے اکثر معاصر علماء کی طرف سے ناجائز جارحیت کے مترادف قرار دیا جاتا ہے۔

آرمینیا کی عسکریت پسندی کی کوششوں اور امن معاہدے کی عدم موجودگی میں، آذربائیجان کی طرف سے کوئی بھی فوجی کارروائی روک تھام کے بجائے پیشگی  تدبیر ہو گی۔

بین الاقوامی طور پر تسلیم شدہ آذربائیجانی علاقوں پر آرمینیا کے 30 سالہ قبضے سے اسے مزید تقویت ملی ہے۔ یہ قبضہ 2020 میں جنگ میں یریوان کی شکست کے ساتھ نکتہ پذیر ہو سکا، نا کہ رضاکارانہ انخلاء کے ساتھ ۔

لہذا، بین الاقوامی قانون کے مطابق، دوسری قاراباغ جنگ اقوام متحدہ کے متعلقہ قانون کی  51  ویں شق کے مطابق اپنے دفاع کا ایک عمل تھا۔

2020 کی جنگ کے بعد، صدر علی یف نے بار بار خبردار کیا  تھاکہ اگر آذربائیجان کو آرمینیا کی طرف سے کوئی خطرہ محسوس ہوا تو وہ آرمینیائی سرزمین پر ان خطرات کو ختم کرنے کے لیے کارروائی کرے گا۔

لیکن ساتھ ہی انہوں نے اس بات پر زور دیا کہ آذربائیجان کا آرمینیا پر حملہ کرنے کا کوئی منصوبہ نہیں ہے اور یقین دلایا کہ تیسری جنگ نہیں ہوگی۔

ایک نیا باب

جائز فوجی اہداف پر سامنے والے حملے آذربائیجان اور آرمینیا کے درمیان طویل عرصے سے جاری تنازعہ کا ایک نیا باب کھول سکتے ہیں۔

اس سے پہلے، تمام فوجی کارروائیاں آذربائیجان کے بین الاقوامی طور پر تسلیم شدہ علاقے میں ہوتی تھیں، ان کارروائیوں سے وابستہ تمام تباہی اور سانحات بھی۔

تاہم، مستقبل میں آرمینیائی سرزمین پر تنازعات پیدا ہو سکتے ہیں۔ 2020 کی جنگ کے دوران، آذربائیجانی فوج نے خاص طور پر آرمینیا کے تسلیم شدہ علاقے میں داخل ہونے سے گریز کیا اور اپنی کارروائیوں کو صرف آذربائیجان کی سرحدوں کے اندر محدود رکھا۔

اس نے اس بات کا بھی خیال رکھا کہ قارا باغ کے ان علاقوں میں داخل نہ ہوں جہاں آرمینیائی باشندوں کی گنجان آباد ہے اور جہاں شہریوں کی حفاظت کے لیے روسی امن دستے تعینات ہیں۔

اپنی فوجی صلاحیتوں کے باوجود آذربائیجان نے شہریوں کی ہلاکتوں کا سد باب کرنے کے لیے ان علاقوں سے دور رہنے کو ترجیح دی۔

اس کے علاوہ، 2020 کی جنگ میں، آذربائیجان کی کارروائیاں صرف ان علاقوں پر مرکوز تھیں جہاں آذربائیجان تاریخی طور پر اکثریت میں تھے۔

آرمینیا کی تسلیم شدہ سرزمین پر واحد بغاوت سویلین علاقوں سے دور فوجی ہدف کے خلاف کی گئی۔ 14 اکتوبر 2020 کو آذربائیجان نے آرمینیا میں ایک میزائل سسٹم کو تباہ کر دیا۔ اس میزائل سسٹم نے آذربائیجان کے شہریوں کو نشانہ بنایا تھا۔

یہ حملہ اس سے پہلے کیا گیا جب میزائل سسٹم نے جھڑپوں کے علاقے سے دور شہروں کو نشانہ بنانے کے بعد نئے حملے شروع کیے، جس دوران  گنجے، بردہ اور قاریوسفلی، جس میں بہت سے شہری ہلاک ہوئے۔

ان حملوں میں بین الاقوامی طور پر ممنوعہ کلسٹر گولہ بم  اور SCUD-B میزائلوں کا استعمال شامل تھا۔

ہیومن رائٹس واچ نے بعد میں اس بات کی تصدیق کی کہ آرمینیائی فورسز نے تصادم  کے دوران آذربائیجان کے شہریوں کے خلاف اندھا دھند حملے کیے تھے۔

آرمینیا، CSTO کی سرپرستی  پر بھروسہ کرتے ہوئے، یہ سمجھتا تھا کہ دور دراز کی بستیوں پر اس کے حملے بلا سزا کے رہیں گے،  کیونکہ اس نے سوچا تھا  کہ آذربائیجان  ان کا جواب دینے سے قاصر رہے گا یا کوئی بھی ردعمل روس کو اپنے اتحادی کی حفاظت کے لیے مداخلت کرنے پر مجبور کرے گا۔

اب، آرمینیا کی اسلحہ اندوزیمنکا مقصد مغرب کی حمایت حاصل کرنے کے لیے آذربائیجان اور مغرب کے درمیان تصادم کو ہوا دینا ہے۔

دوسری قارا باغ جنگ کے بعد، آذربائیجان کا آرمینیا کے تسلیم شدہ علاقے کے اندر واحد محاذی حملہ 12 ستمبر 2022 کو ہوا۔

اس وقت، آذربائیجانی دستوں نے  آرمینیا کے اندرشہریوں کو کوئی نقصان پہنچائےبغیر  1 بلین ڈالر سے زیادہ مالیت کے آرمینیائی فوجی انفراسٹرکچر کو گائیڈڈ گولہ بارود کے ساتھ تباہ کر دیا تھا۔

اس وقت، یہ بنیادی ڈھانچہ آذربائیجان کے کمزور اور نئے آزاد ہونے والے کال بجار اور لاچین علاقوں کے لیے ایک سنگین  خطرہ تھا۔

آذربائیجان کے بنیادی خدشات دو پہلووں پر مبنی  ہیں: فرانس، ہندوستان، ایران اور امریکہ کی حمایت سے آرمینیا کی اسلحہ اندوزی اور آرمینیا میں  انتقامی جذبات  میں اضافہ۔

آذربائیجان کے حکام اور میڈیا آرمینیائی کمیونٹی اور آرمینیا کے غیر ملکی حامیوں دونوں کو متنبہ کرنے کے لیے آواز اٹھا رہے ہیں۔

گہری باہمی عدم اعتماد کی وجہ سے، آذربائیجان نے یہ یقین دہانی حاصل کرنے کے لیے دو اہم مطالبات کی نشاندہی کی ہے کہ قاراباغ کے حوالے سے آرمینیا کا کوئی پوشیدہ ایجنڈا نہیں ہے: پہلا، آرمینیا کو اپنے آئین سے الحاق کے آرٹیکل کو ہٹا دینا چاہیے۔ دوسرا، دونوں ممالک کو مشترکہ طور پر منسک گروپ کی تحلیل کے لیے درخواست دینا چاہیے۔

آذربائیجان نہ صرف آرمینیا بلکہ مغرب پر بھی بھروسہ کرتا ہے۔

2020 کی جنگ سے پہلے بھی آذربائیجان میں قارا باغ تنازعہ کے حوالے سے مغرب کی لبرل منافقت یعنی دہرے پن  کے بارے میں پختہ یقین موجود تھا۔

آرمینیا کے بڑھتے ہوئے ہتھیاروں اور اسے فرانس اور امریکہ جیسے ممالک سے ملنے والی حمایت سے اس احساس کو  مزید تقویت ملی ہے۔

آذربائیجان کی مذمت اور تنبیہ کرنا ایک  الگ بات ہے، لیکن آذربائیجان کی سرزمین پر قابض ملک کو ہتھیار فراہم کرنا بالکل دوسری بات ہے- یہ خطے میں امن اور اعتماد کو فروغ دینے میں بالکل معاون ثابت نہیں ہو گا۔

اگر مغرب واقعتاً آرمینیا کو آذربائیجان کے "خیالی حملے" سے بچانے کا ارادہ رکھتا ہے، تو ہتھیار فراہم کرنے سے کہیں زیادہ موثر تحفظ کے ذرائع موجود ہیں۔