Американските власти покренаа истрага за смртта на оскаровецот Џин Хекман и неговата сопруга под околности кои се опишани како „доволно сомнителни“ за да се бара дополнителна проверка, објави Си-Ен-Ен.

Хекман (95), неговата сопруга Бетси Аракава (65) и нивното куче беа пронајдени мртви во средата попладне во нивната резиденција во Санта Фе, Ново Мексико.

Причината за смртта останува неутврдена. Според прелиминарните аутопсии и детали од официјалните лица, немало непосредни знаци на надворешна траума или насилство.

Истражувачите, исто така, ја отфрлија можноста за изложување на јаглерод моноксид или природен гас како потенцијални причини.

Работниците за одржување ги откриле нивните тела во средата непосредно пред 14 часот по локално време, според изјавата на канцеларијата на шерифот.

Истрагата е во тек

Адан Мендоза шерифот на округот Санта Фе изјави дека парот најверојатно бил починат подолг период пред да бидат пронајдени.

Канцеларијата на шерифот соопшти дека е во тек истрага за да се утврди причината за смртта на двојката.

Заменикот на шерифот спомнал во изјавата дека околностите околу нивната смрт изгледале доволно сомнителни за да се бара претрес и истрага.

Сепак, Мендоза истакна дека нема јасни знаци на злостор, нема индиции за борба, ниту докази дека нешто било одземено од домот.

Според изјавата, пожарникари и компанија за гас извршиле тестови во куќата, утврдувајќи го труењето со јаглерод моноксид и секое истекување како потенцијални причини.

Според Крис Рамирез, портпарол на канцеларијата на медицинскиот иследник во Ново Мексико, извештаите на лекарите со конечната причина за смртта се очекуваат за четири до шест недели.

„Сакаме да се увериме дека истрагата што ја добиваме е завршена правилно. И сакаме да ги објавиме соодветните информации“, рече Мендоза.