Масовна гробница со тела на цивили убиени за време на владеењето на соборениот режим на Башар ал Асад е откриена во регионот Сибејне во Дамаск, главниот град на Сирија.

По соборувањето на режимот Баас, масовните гробници продолжуваат да излегуваат на виделина како резултат на претресите и теренските истражувања низ целата земја.

Тимовите на сириската цивилна одбрана пронајдоа масовна гробница во подрумот на зградата што ја користеше соборениот режим на Баас за затворање цивили во регионот Сибејн во Дамаск.

Амар Салмо од Цивилната одбрана изјави дека екипи кои пристигнале во зградата откако граѓанин пријавил инцидент, ги пронашле посмртните останки.

Се претпоставува дека поединците изгореле откако биле убиени.

Салмо истакна дека тимовите ги идентификувале останките на 20 лица, но тој број може да се зголеми на 50.

Тој истакна дека телата се изгорени со гуми, а на остатоците има траги од прострелни рани. Меѓу убиените има и деца.

Се претпоставува дека во Сирија има голем број масовни гробници кои се уште не се откриени.