Компанијата за вештачка интелигенција Опен АИ со седиште во Калифорнија денеска објави дека нејзината алатка за претворање на текст во видео- Сора сега е достапна во Европската унија и во Обединетото Кралство.

Покрај тоа, Сора сега може да се користи од технолошки ентузијасти во Швајцарија, Норвешка, Лихтенштајн и Исланд, пренесува Теч Кранч.

Засега оваа опција е достапна само за претплатниците на Чет ГПТ Плус или Про пакетите.

„Сора е во состојба да генерира сложени сцени со повеќе ликови, специфични типови на движења и точни детали за темата и заднината. Моделот разбира не само што барал корисникот, туку и како постојат работите во физичкиот свет“, се вели на веб-страницата Опен АИ.

Компанијата првпат ги прикажа можностите на алатката Сора пред една година, а во декември им овозможи на корисниците од одредени региони да пристапат до неа и да креираат свои снимки.

Компанијата, исто така, ја претстави раната верзија на својот нов модел на вештачка интелигенција,ГПТ-4.5, во четвртокот, истакнувајќи дека е подобар во препознавањето и одговарањето на советите во пишаните прашања на корисниците, како и дека е особено вешт во разговорот, пишувањето и кодирањето.

Најновиот модел моментално е достапен само за претплатниците на месечниот пакет Чет ГП Про.