Singapuryň Ykdysady Gudraty
Kynçylyk çekýän port şäherinden öwrülşik…
Singapuryň geň galdyryjy ykdysady öwrülşigi, ençeme synçy tarapyndan “ykdysady gudrat” atlandyrylýar. Singapur 1965-nji ýylda garaşsyzlygyna eýe bolmagyndan bäri kynçylyk çekýän port şäherinden dünýäniň iň baý we bäsleşige esaslanýan ykdysadyýetlerinden birine öwrüldi. Bu adatdan daşary üstünlik, hökümetiň strategik syýasatlarynyň, möhüm utgaşyklyk ukybynyň we ykdysady ösüşdäki ygrarlylygyň birleşmeginiň netijesidir.
Hökümetiň Söwda Gatnaşyklary Boýunça Oňyn Syýasaty
Hökümetiň pragmatiki çemeleşmesiniň esasy özboluşlygy işewürlere amatly şertleri döretmeklige aýratyn üns berilmegi boldy. Sebäbi şonuň saýasynda ýerli we daşary ýurtly maýa goýumlary üçin oňyn şertler döretdi. Halkara firmalaryny ýurda getirmek üçin möhüm syýasatlar kesgitlendi we şol maksada laýyklykda esasy infrastruktura maýa goýumlary goýuldy. Açyk kadalaşdyryjy çarçuwa bilen bilelikde erkin söwda şertnamalaryny baglaşmagy netijesinde Singapur özüni öňdebaryjy söwda merkezi hökmünde tanatdy.
El güýjüni kämilleşdirmäge bolan gönükme
Beýleki başlangyçlar bilen bilelikde Singapuryň el güýjüni kämilleşdirmegi ykdysady ösüşiniň esasy faktory boldy. Hökümetiň bilime beren ähmiýeti, çalt ösýän ykdysady şertlerde el güýüjiniň üstünlik üçin gerek bolan ukyplar bilen üpjün edilmegini ýola goýdy. Hünär okuw maksatnamalary we hususy pudaklar bilen edilen hyzmatdaşlyklar, ýäze açylan pudaklar üçin işçileri ýokary derejede taýýarlady we täzelikçi ösüş üçin şert döretdi.
Strategik Ykdysady Diwersifikasiýa
Singapur, strategik taýdan ykdysadyýetini üstünlikli ýagdaýda diwersifikasiýalaşdyryp, üns merkezini önümçilik ýaly adaty senagat pudagyndan; maglumatlar tehnologiýasy, biotehnologiýa we maliýe ýaly ösýän pudaklara gönükdirdi. Bu köpugurlylyk, ykdysadyýete diňe bir durnuklylyk getirmek bilen çäklenmedi, şol bir wagtda-da günsaýyn globallaşýan dünýäde gelejekki kynçylyklara garşy göreşme ukybyny döretdi.
Netije: Netijeli Dolanşyk Modeli
Netijde, Singapuryň ykdysady üstünlige eýe bolma ýoly netijeli dolanşygyň we raýatlaryň işjeň gatnaşygynyň ähmiýetini alamatlandyrýar. Höklümetiň, karhanalaryň we el güýjüniň arsyndaky hyzmatdaşlyk, dinamiki ykdysadyýet döretdi we Singapury taýsyz ösüşiň hötdesinden gelmek isleýän beýleki ýurtlar üçin göreldä öwürdi.
