Kryeministri izraelit Benjamin Netanyahu ka udhëzuar ushtrinë që të zgjerojë inkursionet dhe sulmet ndaj palestinezëve të Bregut Perëndimor të pushtuar pas një sërë shpërthimesh në autobusë afër Tel Avivit, në të cilat nuk u raportua për viktima.

Policia izraelite më herët tha se kishte pasur shpërthime në tre autobusë në dy periferi izraelite jashtë Tel Avivit dhe se ishin gjetur katër mjete shpërthyese. Mediat lokale raportuan se shpërthimet kishin ndodhur në autobusë në depo dhe ishin bosh.

Nuk ka pasur përgjegjësi të menjëhershme për shpërthimet. Netanyahu u takua me ministrin e Mbrojtjes, kreun e agjencisë ushtarake dhe të spiunazhit Shin Bet dhe komisarin e policisë pas shpërthimeve, tha zyra e tij.