Komiteti Ndërkombëtar i Kryqit të Kuq (KNKK) shprehu shqetësim për situatën në Bregun Perëndimor të pushtuar nga Izraeli.

“Komiteti Ndërkombëtar i Kryqit të Kuq është thellësisht i shqetësuar me ndikimin e operacioneve të vazhdueshme të sigurisë mbi popullatën civile në Jenin dhe Tulkarem, Tubas dhe vende të tjera në Bregun Perëndimor verior”, thuhet në një njoftim.

Mijëra civilë janë zhvendosur për shkak të bastisjeve të vazhdueshme ushtarake, tha ai.

Njerëzit po luftojnë për nevojat bazë si uji i pastër, ushqimi, kujdesi mjekësor dhe strehimi, thonë nga KNKK-ja.

Ushtria izraelite ka kryer sulme ushtarake në Bregun Perëndimor të pushtuar që nga muaji i kaluar, duke vrarë të paktën 60 njerëz dhe duke zhvendosur mijëra.